Noticias
Atrás

Hondakinak biltzeko Getariako Sahatsaga kalean dagoen etxola konpontzera eramango dute apirilaren 10ean.

Hamar bat egunez ezingo da zerbitzu hori erabili. Egokitzapenak eta konponketak egin bezain laster atzera lehengo lekuan jarriko dute. 2012an jarri zuten etxola martxan Udal Elkarteak eta Getariako udalak.

09·04·2018


Urola Kostako Uda Elkarteak eta Getariako Udalak duela sei urte jarri zuten birziklatzeko etxola (2012ko uztailean), etxeko hainbat hondakin arriskutsu gaika biltzeko aukera eskaintzeko. Sei urte hauetan herritarren erantzuna oso ona izan da. Adibide gisa, hona hemen joan den hilean (2018ko martxoan) Sahatsaga kaleko etxolan bildutako hondakinak:

 

Unitateak / Kiloak

Motor olioa

10

Etxeko olioa

100

Aparailu elektrikoak eta elektronikoak

100

Aparailu informatikoak

10

Toner kartutxoak

20

CDak

20

Fluoreszenteak/bonbilak

60

Pilak

80

Pinturak, tinteak, erretxinak, pegamentuak

30

Garbiketa produktuak (lejia, amoniakoa…)

20

Erradiografiak

10

Aerosol ontziak (beteak edo erdi hutsik)

40

Telefono mugikorrak

10

 

Birziklatzeko etxola

Birziklatzeko etxola etxeko hondakin arriskutsuak bereiztuta jasotzeko da eta zerbitzu iraunkorra eskaintzen du, herritarrek hondakinak nahi dutenean uzteko. Gure eskualdean hiru etxola ditugu: Getarian (Harritarte pasabidean), Zumaia eta Aian.

Etxean sortutako hondakin hauek utz daitezke etxolan:

  • Erabilitako sukaldeko olioa.
  • Ibilgailuen olioak.
  • Inprimagailuen toner-karkasak, CDak, disketeak, bideo-zintak eta antzekoak.
  • Aerosol ontziak (beteta edo erdi beteta).
  • Fluoreszenteak.
  • Etxetresna elektriko txikiak: Irabiagailuak, tostadorak, telefono mugikorrak eta abar.
  • Arropa, ehunkiak, osagarriak eta oinetakoak.
  • Erradiografiak.
  • Garbiketako produktuak eta etxeko bestelako produktu kimikoak.
  • Pinturak eta disolbatzaileak
  • Kontsumo baxuko bonbillak.